ថ្ងៃព្រហស្បតិ៍ ​៧កើត ​ខែកត្តិក ​ឆ្នាំរោង ​ឆស័ក ​ព.ស ​២៥៦៨ ​ត្រូវនឹងថ្ងៃទី ​០៧ ​ខែវិចិ្ឆកា ឆ្នាំ២០២៤ ​នៅសាលប្រជុំមន្ទីរសេដ្ឋកិច្ច ​និងហិរញ្ញវត្ថុខេត្តកែប

មន្ទីរសេដ្ឋកិច្ច ​និងហិរញ្ញវត្ថុខេត្តកែប ​បានរៀបចំកិច្ចប្រជុំផ្សព្វផ្សាយសារាចរណែនាំលេខៈ០១៤ សហវ ​ស្តីពីការបិទបញ្ជីចំណូល ​ចំណាយថវិកា ​និងការធ្វើរបាយការណ៍បូកសរុបការអនុវត្តចំណូល ​ចំណាយថវិការបស់រដ្ឋបាលថ្នាក់ក្រោមជាតិឆ្នាំ២០២៤ ​ក្រោមអធិបតីភាព ​លោក ​អ៊ឺម ​បញ្ញារិទ្ធិ ​អភិបាលរងខេត្ត ​តំណាងដ៏ខ្ពង់ខ្ពស់ឯកឧត្តមបណ្ឌិត ​សោម ​ពិសិដ្ឋ ​អភិបាលនៃគណៈអភិបាលខេត្តកែប ​។ ​ក្នុងកិច្ចប្រជុំនោះបានចាប់ផ្តើមវេលាម៉ោង ​៨ៈ០០ ​នាទីព្រឹក ​លោក ​កែវ ​ហុង ​ប្រធានមន្ទីរសេដ្ឋកិច្ច ​និងហិរញ្ញវត្ថុខេត្ត ​បានរាយរបាយការណ៏អនុវត្តថវិការយៈពេល៩ខែ ​ក្នុងឆ្នាំ២០២៤ ​ជូនលោកប្រធានអង្គប្រជុំ ​ ​លោកប្រធាមន្ទីរ ក៏បានបន្តលើកឡើងអំពីបញ្ហាប្រឈាម ​ដែលបានអនុវត្តកន្លែងមក និងបានណែនាំដល់មន្រ្តីជំនាញទាំងអស់នៃរដ្ឋបាលថ្នាក់ក្រោមជាតិត្រូវខិតខំយកចិត្តទុកដាក់ស្តាប់បទបង្ហាញរបស់ ​លោក ​តេង ​ហុកស៊ឺ ​អនុប្រធានមន្ទីរសេដ្ឋកិច្ច ​និងហិរញ្ញវត្ថុខេត្ត​​​ ​ពីសារាចរណែនាំលេខៈ០១៤ ​ដើម្បីឲ្យការបិទបញ្ជីចំណូល ​ចំណាយថវិកា ​និងការធ្វើរបាយការណ៍បូកសរុបចំណូល ​ចំណាយថវិកា ​បានត្រឹមត្រូវ ​និងទាន់ពេលវេលាកំណត់តាមសារាចរណែនាំលេខៈ០១៤ ​។ ​កិច្ចប្រជុំផ្សព្វផ្សាយខាងលើមានការអញ្ជើញចូលរួមពី ​រតនាគារខេត្ត ​មន្ទីរសុខាភិបាល ទីចាត់ការហិរញ្ញវត្ថុខេត្ត ​អង្គភាណលទ្ធកម្មខេត្ត រដ្ឋបាលក្រុង ​ស្រុក ​ឃុំ​ ​សង្កាត់ ​សរុបប្រមាណ ​៤៧ ​រូប ​និងបានបញ្ជាប់នៅវេលាម៉ោង ​១១ៈ៣០ ​នាទីព្រឹក ​។